Lista Serbe i ka reaguar Ministres së Punëve të Jashtme, Donika Gërvalla, pas adresimit të saj në seancë të Këshillit të Sigurmit të OKB-së ku u dha raporti i UNMIK-ut.

Lista Serbe i doli në mbrojtje ish-kryetarit faktit të tyre, udhëheqësit të sulmit terrorist në Banjskë, duke shkruar se Gërvalla “është e fiksuar pas tij” dhe se “ajo harroi të përmend…se si partia e Kurtit, me urdhër të Kurtit e thirri dhe e luti t’ia sigurojë votën e munguar për zgjedhje të presidentit”.

“Falë Radojçiqit, i cili siguroi votën vendimtare nga goranët, presidentja e tyre u zgjodh. A ishte Radojçiqi atëherë i mirë?”, ka shkruar Lista Serbe.

Albania News Network kishte raportuar ekskluzivisht detajet që tregonin se Millan Radoiçiqi ka pasur rol kyç në bindjen e dy deputetëve të Listës Serbe, përfaqësues të komuniteteve jo serbe, Adem Hoxha – goran dhe Fadil Gashi – rom, për të votuar për zgjedhjen e Vjosa Osmanit në postin e presidentes.