Kryetari i LDK-së, Lumir Abdixhiku, ka prezantuar orarin e takimeve me qytetarët nëpër komuna të cilin e ka quajtur “Turneun e Ndryshimit”.

Abdixhiku ka thënë se zgjedhjet e ardhshme përcaktojnë fatin e Kosovës.

“Zgjedhjet e ardhshme përcaktojnë më shumë se sa fatin e një qeverie. Ato përcaktojnë fatin e vet Kosovës; si një vend i njerëzve të lirë që punojnë e jetojnë mirë, apo i një shteti të mbyllur, në zbrazje e përplasje tensionuese të pafundme!” – ka shkruar ndër të tjera ai në Facebook.