Sektori i bujqësisë në Komunën e Gjilanit, vazhdon të shënojë rezultate të mira. Kjo fushë ishte edhe një nga prioritetet e kësaj qeverisje.

Mbështetja ndaj këtij sektori vazhdon të rritet dita ditës e krahas saj edhe përfitimet.

Kryetari i Komunës së Gjilanit, Alban Hyseni, tha se kjo do të jetë “Java e Bujqësisë”, ku do të shpalosen projektet e realizuara, ndryshimet e bëra, buxheti e gjëra të tjera.

“Fuqizimi i sektorit të bujqësisë ka qenë një ndër prioritet tona gjatë këtij mandati”, tha Alban Hyseni.

I pari i komunës, tregon se këtë javë do të jetë në vizita e biseda me fermerët.